Thursday, October 10, 2013

عارف حالك مع مين عم تحكي؟

بس ب #لبنان 

 "عارف حالك مع مين عم تحكي وليه؟" بداية كل مشكل لبناني...
" حسّني قلبي " أول جملة بعد ما يموت أي مخلوق بيقربك...
" من 5 دقائق كنت هونيك " بعد كل إنفجار بيطلع...
" يلي بيعرف بيعرف ويلي ما بيعرف كف عدس" بعد ما تمروء بنت حلوة...
" إييييييييييييه..معلوم " بعد كل خبرية 
" وحياة الله، وسترة إختي، وحياة إمي" بعد كل كذبة..مش كذبة..صاروخ إنت الصادق! 
" خليها علينا / قد ما بدك " بعد كل حساب...وهوي بكون ناطر القرش مناطرة 
source: http://blogbaladi.com/2013/01/page/10/


 طب سؤال إنو إذا كل مشكل لبناني ببلش "عارف حالك مع مين عم تحكي وليه؟"...يعني ال 4 مليون لبناني مدعومين! إذا كلنا مدعومين ليهمدعوس راسنا سياساً وإجتماعياً وإقتصادياً؟

ليك  إذا بعد كل حالة وفاة في " حسّني قلبي " ليه ما حكيت إنئبرت من قبل..بلكي كان فينا نسعفو مثلاً!!

يا خيِ إذا بعد كل إنفجار في " من 5 دقائق كنت هونيك " ليه ما ضليتك هونيك...إرتحت وريحت! 

طب إذا كل بنت حلوة بتقطع بدك تقول  " يلي بيعرف بيعرف ويلي ما بيعرف كف عدس" ..يفدحريشك! صرت نايم مع نص بنات لبنان والنص االتاني عم يشلح! 

ليه بعد كل خبرية منفقع وحدة " إيييييييييييييه معلوم " فجأة كلنا منصير القرموطي..عارف كل حاجة!! 

طب إذا بدك تكذب ضروري تقتل نص العيلة؟ كيف بصير يبلش، يكرن ورا بعض " وحياة، إمي،وحياة إختي،وبيسترة إمي،وبيسترةأختي، ورحمة ستي، ورحمة ستي التانية..." 

إنو عايز وستغني ولا كيف؟؟؟ عشو بتحط إيد عصدرك وبتبلش " خليها علينا وقد ما بدك " بلكي االزبون طلع حيوان وبرم ضهرو ومشي، بتكون إنبسطت إنت؟ بتكون  أثبتت كرمك الأهبل؟ 

الله يعينا يا عمي..الله يعينا ....