Tuesday, May 14, 2013

يلي بدو...






يلي بدو يقول السلام عليكم لأن مفكر الدين لايف ستايل...ما بدي ياه
يلي بدو يقول hi و ca va لأن مفكر اللغة طبقة إجتماعية...ما بدي ياه
يلي بدو يقول السلام عليكم بالنهار و hi عشية...ما بدي ياه
يلي بدو يسب حزب\تيار وعند أول مشكل بيتذكر طايفتو...ما بدي ياه
يلي بدو يستعمل الدين غطى طنجرة مليانة حرام...ما بدي ياه
يلي بدو ييقعد معي بس كرمال drink ما بدي ياه
يلي بدو ياني وقف شرب، كرمال يقعد معي....ما بدي ياه
يلي بدو يقنعني بالصلاة كرمال إسحب مكتسبات من الله...ما بدي ياه
يلي بدو ياني أكفر كرمال هو ملحد...ما بدي ياه
يلي بدو ياني سب وما أصبر كرمال صير ثورجي ومدون modern وأقوى من زياد الرحباني...ما بدي ياه
ليك ريس أهون شي قول يلي بدي ياه...يلي بدي ياه هو طبيعي 100% عبياض يعني قول مرحبا لأن بهمك تسمع كلمة منيح مني...وعزمني على كاس لأن بهمك نتسلى سوا، ودعيني للصلاة لأن بهمك إتعلم الإيمان...صعبة شي؟