Thursday, April 11, 2013

جمعة " حلو عن ربنا "

اليوم الخليقة بتتوزع على المساجد و الكنائس...بس للأسف أغلبيتن ما بيعرفوا الله بالخالص...
إجمالاً المشهد حلو من فوق بتطلع على الشارع بتلاقي حشود ماشية اذا مش عم تتسابق مين بيوصل قبل على بيت الله؛إن كان جامع او كنيسة؛ فعليا بيرتاح قلبك لهيك مشهد؛ بتفتكر انو...مش بتفتكر...بتحس...بتحس اكتر من بتفتكر انو الدنيا بألف خير؛ يعني بتتأكد انو الناس والبلد كلو مدرع باﻹيمان....بس بيخبصولك الدني كلاها وقت بدن يصفو قدام الجامع او الكنيسة، بيطرقك كفرية ليصف محلك، ومش فارقة معو!!! لأن بعد ما يصف، بحلا بكلمتين استغفار...هههه قليلة؟!!
قد ما بينخبص المشهد؛ بتصير بدك تخلص منو...بتصفي تدعي: اللهم وسع مواقفنا واكتب لنا parking في جنتك يا ارحم الراحمين؛ انت الغفور موزع المواقف على المؤمنين.
تضربوا بهيك إيمان؛ انقلع وسع اخلاقك منك إلو...

مؤمن أصلي - ليس لدينا اي فرع آخر
جاد شحرور
www.facebook.com/OfficialJadShahrour