Monday, April 23, 2012

رسم الحرية...جنحة!



 رسم الحرية...جنحة!




لو انا فيروز كنت غنيت

"رش دخلك رش،رش يا علي،عل عالي رشها كمان،رش يا جوعان ضلك رش إنت وعلي...رسمة على الحيط..ما بتإزي البشر!"



exclusive print " Only in my blog ": Original Stencil
النسخة الأصلية للستينسل التي إستعملها خضر وعلي


حَيْطنا مش واطي وعلى أعلى حيط بدنا نرش ونرسم حرية، رسمة على الحيط خَوَفِت سلك عسكري بإمَو وبيَو..كيف لو الرسمة تحولت لـ ثورة وبصمت الحرية على حيطان المدينة..شو كان صار؟

يعني حتى الدولة وقت ما إجت إطبق القانون ما زبطت معا..شكل الإعتقال غير قانوني...يعني اول مرة بعرف إن الشرطة العسكرية بتحجز مواطن مدني......يا ريت حدى يقلي إني غلطان...! إنشالله كون غلطان...


دولة عهر: أنا شعبي اكبر يا عسكر

الحرية : خضر | علي


لأ..الأنكى من هيك...إنو وحدة من التَِهم يلي عنوَنو فيها حجزون للشباب..إنو يلي رشوا بهدد الأمن القومي للبلد..إنو رسمة بتهدد الأمن القومي؟ و السياسيين لما بيطلعوا على الشاشات وبغسلوا بعض وكلمات من الزنار وبنازل هول ما بهددوا الأمن القومي للبلد؟

...فيلم سينما خرافي بهدد الأمن القومي للبلد، بس مشكل خبيط على التلفزيون ما بهدد الأمن القومي للبلد...شو هالتناقض يلي موجود بهالبلد..تناقض على عينك يا تاجر...


من غير بخ

لحظة إطلاق سراح علي وخضر

لحظة إطلاق علي وخضر



جاد شحرور