Friday, September 9, 2011

قرف يا شريك




حلو لأ مش حلو:

مخابرات الجيش: شيعة.
فرع المعلومات: سنة
.
مراكز الفئة الأولى: مسيحية على أنواعن
.
الدروز: عصفور طيار
.
وبتقلي لبنان مش حلو!!!

على شو فايقين:

فايقين إنو نخون بعضنا، بش مش فايقين إنو الدراج عنا بينرشى ب 20$ وبشلك الضبط، فايقين إنو ندعم أنظمة كرمال يمرقولنا سلاح، بس مش فايقين لعميل خان بلدوا وإجى حكمو بس سنتين تلاتة، فايقين لخطابات تجيشية بتعلق الناس ببعضا، بس مش فايقين لمصاري مسروقة من مصرف لبنان...فايقين....فايقين كتير.

الحمرا مش للإلنا...

الحمرا مش لإلنا...لإن صار فيها مصاريع أكتر من البرغش.
الحمرا مش لإلنا... لإن فيها شبيحة بيركضوا ورا الناس يلي عم تدعم الشعب سوري لحد كبابجي وبيطرقوهن قتلة.
الحمرا مش لإلنا...لإن صار شارع مقدسي أولو منطقة محظورة وآخرو جميزة.
الحمرا مش لإلنا... لإن بطلنا نشوف كتاب وشعراء قاعدين بالقهاوي عم يقروا جرايد أو يكتبوا شعر أو روايات.
الحمرا مش لإلنا يا شريك الله يباركلون لجماعة النجمة الحمراء.


ليل نهار بدي غني النشيد:


العميل العربي:

عميل ورا عميل عم يشتاحوا أرضنا...
عوني،قوتجي أوعلى الحزب محسوب
ما حدا عم يطلع بشعبنا...
... الشعب مظلوم، وحقوا مسلوب
... بطل فينا نغني، لا عتابة ولا يا
ميجانا...

يمكن اللبناني شي نهار
ينتفض أو ينهار
شو بدي أعمل والله أنا محتاااار

يمكن اللبناني شي نهار
ينتفض أو ينهار

جاد شحرور