Tuesday, January 4, 2011

إنشالله كون غلطان6

إنشالله كون غلطان
... مش أكتر:
مدرسة المشاغبين:
المعارضة...
العيال كبرت:
الموالات...
شاهد ما شفش حاجة:
شهود الزور...
الليرة اللبنانية مش موجودة إلا بجيبة السواح:
الغلى عم يغلي غلي بالسوق، الشعب عم يحترق على نار هادية...
رجال الدين: عم يفتشوا على business تاني مثلا "السياسة"...
الشحاد : اغنى مني ومنك...
المحكمة الدولية: صباح ومسا، تركت الحب أخدت الأسى.
تيار المستقبل: ما منو مستقبل...
تيار الإصلاح والتغيير: صحافة صفراء...
حزب الله: إذا لبس أورونج (لون برتقالي)، وقال "بونجور" بدل صباح الخير، بصير cool...
البلدان الإقليمية و الدولية: كذاب عياش، لما توقعنا وناطرينوا، كذب عياش، ما بيحلف الا بدينوا، تلفن عياش، كذب...
بس إنت...إنت وبس...:
لبنـــــــــــــــــــــــــــــــــــــنان...
حكي براسنا بدور...
بدي إسألك مش بقولوا انك غفور رحيم، طب ليه عليِ لأ ؟ مع إنو بصلي، بصوم، منيح مع غيري، ما مزعل أهلي، انو الدين كمان في محسوبيات؟ و" الله" اه عفوا "وحياتك"، لو بعرف حدا بعين التينة، أو بقريطم، كنت عملت جهدي، و خليتون يتوسطولي عندك، بس ما باليد حيلي، انو ليه بدي عيش دور المظلوم؟ انو ضروري كون البطل آخر شي، هلأ خبرية الحب و السلام إنو أنا مش ضدن ! بس شي و منو، بما انو منآمن فييك آمن فينا ! مش في حكمة بتقول "خود وأعطي"، طب إنو خود وأعطي معنا ! مش إنت رب الحكمة !
 آه! في سؤال تاني انو نحنا فوق شو طايفتنا ؟ مين زعيمنا؟ انو فوق في ضاحية و غربية و شرقية؟ في بنات مونو و سهرات جميزة؟ في جوامع و كنائس؟ طب سؤال غيرو انو شو بالنسبة لحياتنا؟ انا كيف بعيش ؟ وبشو بآمن؟ عن جد ! خي مش كفر ولا عصيان، بس سؤال... هلأ الأسئلة كتيرة، بس منكتفي لهون.

 
"نحن" ( علي، ميشال، عمر).





جاد شحرور- كانون 2-2010-مجلة شؤون جنوبية