Wednesday, December 1, 2010

إنشالله كون غلطان5


إنشالله كون غلطان

إفتراضات...
لنفترض إنو في سياسة بلبنان...شو كان صار؟
لنفترض إغتيال الحريري كان وراء مجموعة من"
business men " رجال اعمال  بالعالم والحديث عن إسرائيل وحزب الله وما شابه ذلك كلام فاضي...شو كان صار؟
لنفترض إغتيال عماد مغنية بسبب فشلوا بمهمة...
شو كان صار؟
لنفترض لو بيت الحريري إنحصروا بشق الإقتصادي بالبلد وتركوا الحكم لغيرن...
شو كان صار؟

الرجل والمرأة
الرجال: أغلبيتن معن سيارات تاكسي.
المرأة
: أغلبيتن معن سيارات آخر موديل.
الرجال:أغلبيتن بحب يصورخ ويفخفخ بحالو قدام المرأة.
المرأة
: أغلبيتن بحب يلتلت ويحكوا على العالم.
الرجال: أغلبيتن بيحمل هم زيادة على اللزوم.
المرأة
: أغلبيتن إختصاصيين بالنق.
الرجال والمرأة: عنا بلبنان الرجل و المرأة..ما بيعرفو يعيشوا لأن بيهتموا بإشيا بلا طعمة وما بيهتموا ببعضن...لهيك بتختفي العلاقة الإنسانية بين بعضن...ويا ربي تنجينا...!


أسئلة...
شو بصير إذا عيدت الطوائف مع بعضها؟
معقول يصير في حرب أهلية،إذا شي ولد صغير "سني" غنى بليلة العيد "بكرا العيد ومنعيد ومندبح بقرة السيد
هلىء القلم يعتبر سلاح؟ إذا إيه كيف بيخرطشوا؟؟ أو بيخرطشوا على الورقة؟
دبكنا على الأول متل دبكنا مشكل؟


إننا للوطن وإليه لراجعون
بعكس كل الدول، مبدأ الديمقراطية خرب بلدنا، تقسم البلد الى طرفين ، صاروا يقوسوا عبعض و يخونو بعض و قلب السياسة للعب ولاد عخبرية" بي اقوى من بيك"،هيدا بيفقع خطاب و هيداك برد ب ديوان ، ولي زاد الطينة بلة، صار رجال الدين يدعوا عبعض و صار كل طرف يعلن الجهاد على الثاني من تحت لتحت.....إنو انا واحد ما بفهم كتير بالدين و لا قلي في لا من قريب و لا من بعيد بس بعرف و مأكد انو دين ان كان عند المسيحية و لا الاسلام ولا الدروز هو دين سلام و محبة مش دين قتل ونهك عروض. انو ما بيسوى كوون مواطن؟ خيي انو كتيير كوون مواطن؟ لك هو الله خلقنا و قلنا انتو حيوانات بعقل يعني ضروري نبزق عل النعمة و نكب عقلنا و نضل حيوانات متلنا متل الدواب؟؟؟

Test
حياة صعبة،محن منمروء فيها،طلعات نزلات...إجمالا نزلات أكتر من طلعات ما في إلا مننزل، عشوي صرنا بسابع أرض...وكل ها قصص بتندرج تحت عنوان واحد يلي هوي "التجربة" إنو بضل الإنسان عم يتجرب فيه ولازم هوي يضل ساكت...إعتقادا إنو إذا سكت بيكون عم يتحمل التجربة وبالتالي عم يكون وفي وصبور وموعوود بهدية بآخر المطاف...بس ما طاف الأمر ووصل لحدو، بتعبير تاني "طفح الكيل"..إنو الواحد ما بينثبت ولاؤو إلى إذا تبهدل...! فسرلي ياها هيدي!! إنو هلىء إذا تبهدلت وتشحرت وإنبليت بعدين بيطلعلي جائزة!! مثلا إنو بفوت الجنة!! وإفترض الهدية طلعت ورقة فاضية..ولا "بوش مع نينكس ما في!!؟" ما في غير مآضيينا تجارب ومننبلي... بجربوا هني ونحنا مننبلي...مين هني ؟؟ كلن..إيه كلن..



جاد شحرور- كانون 1-2010-مجلة شؤون جنوبية