Wednesday, September 1, 2010

إنشالله كون غلطان 2

إنشالله كون غلطان

ومن الإستنتاج ما قتل:
متل ما نار بتكبر و بتتغذى على الحطب، السياسيين بمنطقتنا بشكل عام و ببلدنا بشكل خاص بيتغذوا و بيكبروا على الفتن، وهل الفتن إستنتاجات صادرة عن هؤلاء السياسيين، بمعنى آخر هي نتيجة مصالح متضاربة ما فيها قسمة مزبوطة....
مثلا فيك تجاوب على سؤالي: شو سبب إندلاع الحرب الأهلية...؟ شو سبب المشكل السوري اللبناني ويلي كل ساعة بيتغير متل اليويو ساعة فوق ساعة تحت....أنا بجاوب...يا سيدي كل هل المشاكل هي نتيجة تحليلات و إستنتاجات، للأسف العربي بيبني مواقفوا عليها، وهي بعدا بدائرة الشك....وبصير الخطاب يتصاعد والرد بيجي ألعن..وببتتكون الصفوف وبيدرجوا تعبير" الطابور الخامس" و جيرانا العرب ما بيعدوا يتكنسوا من عنا وبتتكسر المنابر من الخطابات ولحق إذا فيك تلحق....سؤال بيطرح نفسو: إذا المعلومة بعدا تحت نطاق الشك ليه منأكدا ؟بوقت كتير من المواطنين ناطرين تأكيدات بأمور إنمائية،طبية،ثقافية،إجتماعية إنو تتأكد من تنفيذا من السياسيين؟......ومن الإستنتاج ما قتل....

السياسي " كلام غلاَب " والقانوني" كتير فهمان " و رجل الدين " سي السيد "
صمالله على تحليلاتك....تسلملي معلوماتك.....الله يخلي جماعاتك......

الحمدلله على الشوب
ربنا الذي في السموات وملائكتنا الحارسين وأنبيائنا وأسيادنا وأوليائنا صلوا لنا ليزيد الشوب في بلادنا..
إيه يزيدوا الشوب....! لأن الشوب مش بس دوبنا و دوب مبدأ التبعية العميا يلي متبعها شعبنا...يعني الحمدالله المسبة طايلة الكل...الحمدلله على الشوب....

شو منقولوا؟
العسكري منقلوا يا حامينا
البابا منقلوا يا معيشنا
  منقلوا يا مسكرناBar-Tenderال
النائب أو الوزير شو منقلوا؟

أبي فوق الشجرة
بابا نزال عن الشجرة في عمو صهيوني بدو يقطعا، جايين عبواب الشتى بدون يدفوا الجماعة....

فيروز
 لم يعد لديك وحدات كافية للغناء، الرجاء تسديد ما عليك! و إلا سوف تخسرين صوتك....

تشابه أسماء....
Jean Marie = محمد حسن
وطن متنوع صافي مئة في المئة......إيه صدقتك كتير....!

جاد شحرور-أيلول-2010-مجلة شؤون جنوبية